أرجو التثبيت: حملة (هنتغير بجد)

حملة هنتغير بجد
حملة هنتغير بجد
حملة هنتغير بجد
حملة هنتغير بجد
حملة هنتغير بجد
حملة هنتغير بجد
حملة هنتغير بجد

السلام عليكم ورحمة الله وبركاته

بعد الحمد لله والصلاة على الحبيب المجتبى

ثم اما بعد؛

حملة

(هنتغير بجد)

للشباب

&

الفتيات

هدفها من اسمها هنتغير بجد

سياستها تحبيب الشباب فى الاسلام

شعارها هندخل الجنة سوا

ستتكون الحملة من حلقات كتير

وكل حلقة لها اسم

وكل اسم بتدور حوله الحلقه

وكل حلقة عباره عن حوار بين اتنين

+الاول وهو اللى هيغيرنا بجد

=والتانى وهو الشاب او الفتاه

يعنى انا وانت

ورجاء من كل قارئ

يقول رأيه بصراحة

وانا مش هزعل

وياريت نطبق الكلام ده بجد

علشان نتغير بجد

ونفرح نبينا

وندخل الجنة سوا

ومهما تكون ذنوبك

ومعاصيك

و بعدك عن ربك

معانا

كلنا هنقرب اوى من ربنا

بس

خليك معانا

يلا بينا ...

الحلقة الاولى

(المقدمة)

+السلام عليكم

=وعليكم السلام

+عامل ايه ؟

=تمام

+ومع ربك عامل ايه؟

=زى اى شاب بعيد عن ربه

وكل فين وفين لما يركع ركعة

و باستخدم بصرى فى الحرام

وبعق ابوى وامى

و..و..و..

+طب وانت ايه اللى بعدك عن ربنا؟

=ان اى واحد يقولى لازم علاقتك

مع ربنا تكون 10من10

او0من10

+يعنى ايه؟

=يعنى معظم الناس متبعه قاعدة

(الحلال الخنيق والحرام الفاجر)

يعنى يأما يمين خالص

يأما شمال خالص

مفيش حد ماشى فى النص

بس منحاز لليمين شويه

+وانت عجبك حالك مع ربنا ؟

=طبعا لا بس

اعمل ايه؟

=وبعدين استحاله ربنا يغفرلى

ذنوبى ده انا عملت ذنوب

ماحدش عملها فى العالم

وعملت كبائر كتييير و..و..

+تعرف انك كده قانط من رحمة الله

القنوط من رحمة الله اصلا من الكبائر

=طب اعمل ايه؟؟!

+انت مصدق ربنا فى كل كلامه ..

=طبعا من غير تفكير

+ممكن تسمع الآيه دى

=اتفضل ..

+قال الله عز وجل

(قل يا عبادى الذين اسرفوا على انفسهم

لا تقنطوا من رحمة الله

ان الله يغفر الذنوب

جميعا انه هو الغفور الرحيم)

=صدق الله العظيم

+انت مش حاسس ان الايه دى

بتكلمك انت

=حاسس

+خلاص انت لسه مش متأكد

ان ربنا هيغفرلك

ويمسحلك ذنوبك

ويعتقك من النار

=انا ما قلتش كده

+امال ايه؟

=انا قصدى من السهل ان اعمل اى عمل وربنا يمسح كل ذنوبى

+انت ماتعرفش مين هو الله

=انا عارف

+ماتعرفش ان ربنا

كريم

ورحيم

وعظيم

ولما يغفركل ذنوب العالم

مش هينقص من ملكه شئ

=عارف والله

+امال مستنى ايه

طب تخيل معايا المشهد ده

لو قلت

اللى عاوز ربنا يغفرله

يرفع ايده

الناس هتنقسم ل3 انواع

النوع الاول

هيرفع ايده من غير ما يفكر

النوع التانى

هيرفع ايده وهو بيقول

انا هعصى ربنا تانى بس

اهو تقل ذنوبى

والنوع التالت

بيقول حتى لو ربنا مسح ذنوبى

هعصى ربنا تانى

انا كده كسبت ايه

=قصدك ايه من المثال ده

+قصدى خليك ذكى و ثق فى الله

وتأكد انه مش هيرفضك

بس ارفع ايدك بجد

سيب الباقى على ربنا

=والله انت غيرت تفكيرى

خالص

=قولى بقى ازاى ربنا يغفر لى كل

ذنوبى

+ده اللى هتعرفه فى الحلقه التانية بأذن الله

اهم حاجه

تيقن نفسيا ان ربنا هيغفرلك

ولا يبالى

+يلا سلام

=قول السلام عليكم احسن

+انت صح

+السلام عليكم

=وعليكم السلام ورحمة الله وبركاته

الى اللقاء فى الحلقة التانيه

مع

حملة

(هنتغير بجد)

السلامـــ عليكمــــــــ ورحمــــــــــــة الله وبركاته

رائعـــــــــــــــــــــــــــــــــ ثمـــــــــــــــ رائعــــــــــــــــــ ثمــــــــــــــــــــ رائعــــــــــــــــــ

الله الله الله عليكــــ بجـــــــــــــــــد يستحق التثبيتــــــ من غيــــــــــــــر اى عنـــــــــــــــــوان

بجـــــــــد كلنـــــــــأ يلا نغيــــــــــــر حالنــــــــــأ مع الله نرجــــــــــو مغفتــــــــــــرة نغشـــــــــىأ

عذابــــــــــــــه نرجــــــــــو ان يغفــــــــــــر ذنونبــــــــــــأ وان يمحــــــــــوهــــــأ وان يشملنـــــــا

برحمتـــــــــــه التىأ وسعت كل شئ فهــــــــــــو غفـــــــــــور رحيمـــــــ

موضوعــــــ اكثـــــــــــــــــــــــــــر من رائعــــــــــ

جزاكـــــــ الله كل خيــــــــــــر وجعلكــــ قادنــــــــأ دائمــــــــــأ الى خيـــــــــر

دائمـــــــــأ وابــــــــدا التالقــــــــ عنوانكــــــ باركــــ الله فيكـــــ

وجعل موضوعكــــــ هـــــــــذا فى ميزان حسناتكـــــــــ

تقبل مرورىأ

مع تحياتىأ

جزاك الله خيرا

سلمت يداك على هذا الكلام المفيد المستفاد منه

يعطيك العافية وجعله في ميزان حسناتك

تورمان المتألق

الســـلام عليـــكم ورحمـــه الله بـــركــاتــه

الحلــــــقة الثــانــــــية

(امسح كل ذنوبك)

+ايه الاخبار

=ده انت عملت امبارح فيا
حتة مقلب قعدت تحمسنى
وفى الاخر علقتنى ومشيت

+عارف وكان قصدى

=ايه!!
=طيب ليه كده؟

+لان لو اخدت كل حاجة مرة واحدة
هتتحمس شويه وبعديها بساعة
ولا كأن فى اى حاجه

=كلامك مظبوط

+وخلى بالك كل حلقة هيكون
نفس النظام

=بس على الله يجى بفايده

+قلتلك امبارح ثق فى الله
وما تحملش هم

=ماشى..مش ندخل فى الموضوع بقى

+ماشى..يلا
3..2..1..
+السلام عليكم ورحمة الله

=وعليكم السلام ورحمة الله

+ايه الاخبار

=تمام..الحمد لله

+طبعا زى ماانت عارف ان حلقتنا
النهاردة عن ازاى نمسح كل ذنوبنا
+فى البدايه لو قلتلك
ممكن تعد ذنوبك اللى عملتها
من يوم ما اتولدت

=ايه ..:questionmark:
=انت بتكلمنى انا..

+طب بلاش ..
ممكن تعد ذنوبك اللى عملتها
طول الاسبوع ده

=يا عم انا ماشى ...
انت جاى تفكرنى باللى فات

+استنى انا قصدى ان انت
ماتعرفش تعد الذنوب اللى
عملتها النهاردة اساسا
+ومحدش يقدر يعدها الا
الله

=صح

+اذن ماحدش يقدر يمسحها
الا الله

=ونعم بالله

+ولكن ازاى نخلى ربنا يغفر (يمسح)
لنا كل ذنوبنا

=ازاى ..قول انت؟؟

+بصراحة مش انا اللى هقولك

=امال مين ..؟

+اللى هيقولك هو اللى هيغفرلك
كل ذنوبك..حيث قال
عز وجل

(فقلت استغفرو ربكم انه كان غفارا)

=صدق الله العظيم
=يعنى ربنا ممكن يغفر لى
ذنوبى كلها

+انت مش مصدق ربنا ولا ايه ؟؟!!

=انا مصدق والله
ده حتى كلام ربنا
بس انا مش متخيل
يعنى ربنا هيسامحنى فى
كل اللى عملته؟

+انا عارف انك فرحان اوى
علشان كده اسمع الحديث القدسى
الجميل ده

(يابن ادم لو اتيتنى بتراب الارض
خطايا ثم لقيتنى لا تشرك بى شيئا
اتيتك بترابها مغفرة)...

=طب ولو ذنوبى اكتر

+ممكن ما تقاطعنيش تانى

=انا اسف بس انا فرحان اوى

+عارف بس اسمع للاخر

=ماشى انا اسف

+(يابن ادم لو بلغت ذنوبك
عنان السماء ثم استغفرتنى
غفرت لك ولا ابالى)

+انت واخد بالك من حاجه

=ايه ؟؟

+ان ربنا بيقول غفرت على طول
يعنى ما فيش قبلها ثم ولا حتى
فاغفر

=طب ودى فيها ايه

+فيها كتير
+ان الله لو قال ثم قبل غفرت
معنى كده ان فى فترة ما
ما بين استغفارك لربنا و
ان ربنا يغفرها لك
ونفس الكلام فى لو كانت فاغفر
مع ان اللغه بتقول ان الفاء
تدل على سرعة التنفيذ
ولكن خلى بالك ان حتى لو فى
سرعة فى عمل شئ
برضه هتاخد وقت حتى
لو ثانية واحدة
بس اخدت وقت
ولكن ربك عظيم
اووووووووى
ان معنى ان ربك ما يقولش
ولا (ثم )ولا(ف)
معنى كده ان مفيش اى وقت
ما بين نطقك للاستغفار
وان ربنا يغفرها لك

=ياه ..اد ايه رينا كريييم اوى

+والله ربك عظيم جدا ولكن احنا
اللى مش واخدين بالنا
+ولو تاخد بالك ان
فى جميع ايات القران
ربك بيقدم صفة الغفران عن اى شئ
يعنى مثلا

(ان الله غفورا رحيما)

ربنا قدم صفة الغفران عن الرحمة
لان استحاله ربنا يرحم شخص
كثيرالذنوب وبالتالى ربنا
هيغفرله ذنوبه وبعده ربنا يرحمه
ولو افترضنا ان قلبك حتة قماشة
بيضة وكل لما تعمل ذنب الذنب ده
يعمل نقطة سوداء على القماشة
اظن كده حتة القماشة بتاعة كل واحد
اتحرقت مش اسودت

=صح

+وخلى بالك ان حبيبك النبى
شبه القلب كأنه حتة حديده
والذنوب كأنه الصدأ اللى على الحديده
والاستغفار هو المنظف لهذا الصدأ
طب ما تجى نلمع قلوبنا بقى

= والله انا نفسى بس التلميع
هيجهدنى اوى وهيتعبنى

+اهم حاجه انت ازاى بتستغفر ربنا
هل بتستغفر من فمك ولا من قلبك

=طب ازاى استغفر من قلبى

+بأنك وانت بتستغفر تكون واثق من ان ربنا هيغفرلك

=ونعم بالله
=طب ازاى استغفر ربنا ؟؟

+فى اذكار كتييير جدا
يعنى مثلا
(استغفر الله )
(استغفر الله العظيم واتوب اليه)
(استغفرك اللهم واتوب اليك )
وفى اذكار كتييير
ولكن لو تلاحظ ان النصف الاول
لو مشيت على حلقة النهارده
اتحقق وهو ان ربنا يغفرلك
ولكن ازاى تتوب لربنا بجد وازاى
تعرف ان ربنا تاب عليك

=اه ..ازاى ؟؟

+ده للى هتعرفو فى الحلقة الجاية
ولكن واجبك من النهاردة تكثر من الاستغفار
علشان نتظف قلبك من اى قذارة
واكيد القذارة على قلوبنا كتيير
+وفى الحلقة التالتة هنتوب بجد لربنا

=طب ما تقول اى حاجه

+انا قلت بكرة ان شاء الرحمن
+يلا..السلام عليكم

=برده بتعلقنى..
=وعليكم السلام

الى اللقاء فى الحلقه القادمه

مع حملة

(هنتغير بجد)

الفاضل ترومان

أوافقك أن الاْمه تحتاج لوقفة مع النفس

لكن لنضع بين نصاب اعيننا إن الأمة لن تتغير إلا إذا تغير أفرادها ‘

قال تعالى *(إن الله لايغير ما بقوم حتى يغيروا ما بأنفسهم)*

ان نتغير أنا وأنت وهو وهي ، إذا غيرنا أسلوب حياتنا بما يوافق شرع الله وقلنا لربنا

سمعاً وطاعة واتبعنا هدي نبينا عليه الصلاة والسلام :

وماآتاكم الرسول فخذوه ومانهاكم عنه فانتهوا.

عندها نصبح أفراداً وأمة أهلاً للقاء الله

عليك بدعاء والسعي لان يغير الله ذلنا إلى عزة وضعفنا إلى قوة وهواننا إلى تمكين.

نسأل الله العظيم رب العرش العظيم أن يردنا

جميعاً إلى دينه مرداً حسناً وأن يلهمنا رشدنا ويفقهنا في ديننا ويرينا الحق حقاً

ويرزقنا اتباعه والباطل باطلاً ويرزقنا اجتنابه وأن

يمكن لأمة الإسلام ويعيد لها عزتها ومكانتها وأن ينصرها على أعدائها إنه سميع مجيب.

ترومان

حقا قلم وفكر ناضج رشيد

لله درك اخي القدير

جعل الله قلمك عنونا للخير والعطاء والغيره على حب الدين والتقرب الاكثر منه

بارك الله لك ورزقك الجنه

تقديري

يا جماعه الى يعجبوا الموضوع وحابب يشارك

ما عليه الا انه يحط شعار الحمله فى توقيعه




الحلقة الثالثه
(توب وربنا هيتوب عليك)
+عامل ايه دلوقتى مع ربنا؟
=اسكت ..اشتغلت شويه وكل
شويه افتكر الذنوب اللى عملتها
واقول ازاى ربنا هيغفرها لى
+خلى بالك ده شيطان عاوز
يخلى كل اللى عاملته
تهده بايدك تانى
+و ماتنساش الحوار اللى حصل بين
الله عز وجل
و الشيطان لعنه الله
لما كان الشيطان
خارج من الجنه بقول
لربنا
(وعزتك وجلالك لاغوينهم اجمعين
وربنا بيرد عليه وبيقوله
وعزتى وجلالى لاغفرن لهم ما دامو
يستغفروننى)
ايه رأيك !!
=يعنى ده شيطان عاوز يبعدنى
عن ربنا
+وربنا بيقول لو استغفرته هيغفر لك
=ماشى ندخل فى حلقة النهارده
+ماشى
3..2..1..
+السلام عليكم
=وعليكم السلام
+حلقتنا النهارده عن ازاى نتوب
+فى البدايه ..
نعرف ايه اللى بيحصل حولينا
كل يوم
ان الله ينزل الى السماء الدنيا كل
يوم فى الثلث الاخير من الليل
ويقول
هل من مستغفر فأغفر له
هل من تائب فأتوب عليه
هل من داع فأستجيب له
(انت فين بقى فى الوقت ده)
=..........
+وخلى بالك ان الله ينزل الى
السماء الدنيا
بالنهار ليتوب مسئ الليل
وبالليل ليتوب مسئ النهار
(والله مالكش حجه)
= ايه ده ... بقى الفرص
دى موجوده قدامى وانا مش اخد بالى
+وخلى بالك
ان ربنا من اسمائه
التواب وليس التائب
عارف ليه
=ليه ..؟
+لان لو ربنا اسمه التائب
لو عملت معصية وتبت هيتوب عليك
مرة واحده بس
ولكن اسمه التواب يعنى مهما تتوب
هيتوب عليك
انه الله
=ونعم بالله
+وخلى بالك ربنا مش هنقص
من ملكه شئ لو ماغفرلكش
ومش محتاجلك فى حاجه
ولكن..
=انا اللى محتاجه ..عارف
=بس ماعرفش هو هيقبلنى
ولا لا
+طب بص لو انت عاوز تتوب بجد
وبصدق من قلبك
هيتوب عليك
وما تنساش ان
الله كريم جدا
واكبر من ذنوبك
لذلك ادعى
اللهم ان ذنوبى عظيمة ولكن
عفوك مغفرتك اعظم فاغفر لى وتب على
صدقنى لو انت عاوز تتوب بجد
روح لربنا واترجاه وربنا
بيستحى ان يردك وانت خائب فى دعائك
وثق بالله ومالكش دعوه
وبس ...
=ايه ده حلقة النهارده
قصيرة جدا
+انا عارف لان ما يتضمنه حلقة النهارده
كله قلته ومن الاخر
صلى ركعتين توبة وادعى فيهم
وثق فى الله
وما لكش دعوة وسيب الباقى على الله
=طب وحلقة بكره هتبقى عن ايه؟
+ان شاء الله
هتبقى ازاى تلحق نفسك من النار
مش كده وبس
=امال ايه
+برده عن ازاى تحرم جسدك على النار
وازاى تخلى النار تتدعى ربنا
انه يبعدك عن النار

الحلقة الرابعة

(اخرج نفسك من النار)


+عامل ايه؟
=تمام ..
بصراحة انا بدأت اتغير بجد
مش عارف عندى احساس بأنى
لسه داخل الاسلام
+ابشر اوعدك بالتغير
وان شاء الله
نحقق شعارنا
وندخل الجنه سوا
=ربنا يسهل
+وخلى بالك
(ان الله لا يغيرما بقوم حتى يغيروا ما بأنفسهم)
يعنى مش انت اللى هتغير نفسك
انت هتغير ما بنفسك
والفرق كبيير
يعنى علشان تشوف حال قومنا
(امتنا )
احسن الاول تغير نفسك من جوه
=كلامك صح
=طب ممكن نبدأ
3..2..1
+السلام عليكم
=وعليكم السلام
+حلقتنا النهارده هدفها
نوريك ازاى ممكن تعتق نفسك من النار
بكل سهوله
=سهولة ايه !!
=مش وسعت منك شويه
+ليه؟؟
=انت بتتكلم ازاى تطلع نفسك
من النار
مش من حديقة الحيوان
ولامن متاهة
دى النار
+طب ممكن اتكلم و
تسمع للاخر
=اتفضل
هقولك كذا طريقة وكل
طريقة تقولى ايه رأيك فيها
=ماشى اتفضل
(الطريقة الاولى)
+صلاة اربعين يوم فى جماعة
بشرط تكون تكبيرة الاحرام
بتتقال وانت فى الصف
=بس دى صعبه شويه
لان انا بصراحة
كل فين وفين لما بصلى
الفجر فى البيت اساسا
+ما تخفش فى اكتر من حلقة
هتتعمل عن الصلوات والفجر بالذات
(الطريقة التانيه )
+لو سيادتك حافظ القران بالكامل
او بتحفظه او ناوى
بصدق تحفظه بالكامل
ابشر انت معتوق من النار
=بقولك انا بدأت اقرب من ربنا
وانت عارف انا كان حالى مع ربنا ازاى
+برده حنعمل حلقه عن القران
هتبقى جامده جدا
(الطريقة التالته)
+لو قعدت تحاسب نفسك
وفاضت عينك من خشية الله
بس لسه برضه قلبى ما بقاش
طرى اوى علشان اطلع كل اللى فى قلبى
لربنا
+ربنا عارف كل شئ عنك من غير ما تقوله
ولكن امتى هتعترف بذنوب
(الطريقة الرابعة)
+تصلى قبل وبعد صلاة الظهر
4ركعات
=تصدق دى اسهلهم لحد لما
ربنا يسهلها
+و يا ريت تبدا بالتدريج
وان شاء الله تلحق نفسك من النار
وخلى بالك الحلق الجايه من اهم الحلقات
=طب عن ايه؟؟
+هتعرف بكرة..
+يلا
+السلام عليكم
=وعليكم السلام

السلام عليكم ورحمه الله وبركاته

ترومان

حمله هنتغير بجد حمله اكثر من رائعه

ويارب يارب كل الشباب والبنات تتغير وتفكر فى ربنا

لانى فى رمضان ده اتغيرت كتير وفهمت حاجات مكنتش اعرفها

المهم فى كل واحد يكون قلبه مليان بحب الله والرسول صلى الله عليه وسلم

بجد انا كنت بسمع برنامج فى رمضان غير كل حياتى للاحسن طبعا

واجمل حاجه ان كل واحد يحب الرسول بس مش بالكلام بس بكل شئ

يعنى تعرف الرسول صلى الله عليه وسلم كانت اخلاقه ازاى تصرفاته ازاى

ما اجمل الرسول فى كل شئ كان بيعمله ولازم كل واحد ياخد الرسول صلى الله عليه وسلم

قدوه ليه لان حب الرسول لو دخل قلبك صح هتتغير حياتك كلها

ويااااارب ثبت كل انسان لاجئ ليك وتغير علشان تسمحه وعلشان يفرح الرسول صلى الله عليه وسلم

ويارب اهدى كل الناس للتحبه وترضاه

معلش انا اسفه جدا على الاطاله

بس بجد الفكره جميله جدا ويارب الشباب والبنات تتغير

جزاك الله كل خير

وبارك الله فيك

الفاضله

nesma

مرورك على صفحتى زادها نورا



دمت بخير